गुणवत्तापूर्ण सेवेच्या जोरावर पार्थ मशिनरीची दोन वर्षे पूर्ण 

शिवतंत्र न्यूज

   ग्रामीण भागातील नवउद्योजक शहरातील यशस्वीरित्या उद्योग व्यवसाय करताना दिसून येत असून माढा तालुक्यातील ढवळस सारख्या ग्रामीण भागातील गणेश इंगळे या नवोदित व्यवसायिकाने कुर्डूवाडी सारख्या नामांकित बाजारपेठेत पार्थ मशिनरी या नावाने व्यवसाय सुरू केला असून गुणवत्तापूर्ण सेवेच्या जोरावर ग्राहकांच्या पसंतीस उतरला आहे.

     गणेश हरिदास इंगळे, ढवळस येथील एक बेरोजगार तरुण उद्योग व्यवसाय सुरू करण्याच्या प्रयत्नात होते. त्यांचे जवळचे नातेवाईक राहुल आटकळे यांचे टेंभुर्णी येथील प्रिन्स मशीनरी या नावाने मशनरी दुकान आहे. त्यांच्या प्रेरणेतून व मार्गदर्शनातून गणेश यांनी मशिनरी दुकान कुर्डूवाडी येथे सुरू करण्याचे ठरवले. कुर्डूवाडी ते टेंभुर्णी रोडवर 10 बाय 36 एवढी जागा भाड्याने घेऊन पार्थ मशिनरी या नावाने व्यवसायाचा शुभारंभ केला. इंगळे परिवाराची कुर्डूवाडी परिसरात चांगली ओळख परिचय होता. यातूनच त्यांच्याकडे ग्राहक वर्ग दुकानात भेट देण्यास सुरुवात झाली. सुरुवातीपासूनच त्यांनी ब्रँडेड, गुणवत्तापूर्ण, नामांकित कंपन्यांचा माल ठेवण्यास सुरुवात केली. पीव्हीसी पाईप मध्ये जैन, कोठारी या नामांकित कंपनीचे मटेरियल, ठिबक सिंचन, तुषार सिंचन गार्डन पाईप, इलेक्ट्रिक मोटर मध्ये आर के एस,व फिलॉक्स, केबल मध्ये मेघा, सर्विस केबल कॅब या कंपनीची तसेच लक्ष्मी अग्रो या कंपनीचे ठिबक सिंचन उपलब्ध असते. तसेच 1 एचपी ते १५ एचपी पर्यंत सर्व प्रकारचे इलेक्ट्रिक पंप, पीव्हीसी पाईप , फिटिंग साहित्य उपलब्ध असते. भूमी , सह्याद्री कंपनीचे मल्चिंग पेपर तसेच डाळिंब , खरबूज, कलिंगड आदी पिकांसाठी लागणारे क्रॉप कव्हरही पार्थ मशीनरी येथे होलसेल दरात मिळते गणेश इंगळे अतिशय उच्च दर्जाचेच मटेरियल विक्रीसाठी ठेवतात. ग्राहक आवर्जून त्यांच्याकडे गेल्या दोन वर्षांपासून येतात. गणेश इंगळे यांची ख्याती संपूर्ण माढा तालुक्यात पसरली आहे. त्यांच्याकडे माढा तालुक्यातून तसेच करमाळा तालुक्यातील जेऊर, कंदर, केम, शेजारील परंडा, बार्शी, पंढरपूर परिसरातून ग्राहक येतात शेतकऱ्यांना बांधावर सेवा देण्याच्या विशेष गुणामुळे ग्राहकांची त्यांच्या दुकानावर रीघ लागलेली असते.

    व्यावसायिक चळवळीत सामील झाल्यामुळे गणेश यांचे जीवन पूर्णपणे बदलले. मूळ व्यवसाय शेती असून शेतीचे देखील कामकाज पाहून या व्यवसायासाठी वेळ देतात. ढवळस या मूळ गावी त्यांनी मनस्वी साडी सेल्स या कापड व्यवसायाची सुरुवात देखील केली आहे त्यांच्या सौभाग्यवती सौ सुषमा यांना त्यांनी प्रोत्साहन देत ही सर्व जबाबदारी त्यांच्यावर टाकली आहे. कापड व्यवसायात पदार्पणाबाबत विचारले असता ते म्हणाले की आमचे मावस भाऊ असलेले शुभम जगताप यांची हडपसर पुणे येथे मॅक्स होलसेलर या नावाने मोठे कापड दुकान आहे. त्यांनी सौ सुषमा यांना प्रेरणा देऊन व्यवसायासाठी प्रवृत्त केले. मनस्वी सेल्स येथे सर्व प्रकारच्या फॅन्सी डिझाईनर साड्या, चिल्ड्रन वेअर, लेडीज वेअर होलसेल दरात उपलब्ध असते . ढवळस परिसरातील महिला आमच्या दुकानाला आवर्जून भेट देतात. 

   इंगळे दांपत्य ग्राहकांना उत्तम सेवा देत आगेकूच करत आहे. ग्राहकांना विनम्र सेवा देणे तसेच कोणत्याही प्रकारच्या तक्रारीला वाव मिळणार नाही अशा प्रकारचे व्यावसायिक संबंध ग्राहकांबरोबर निर्माण केल्यामुळे आम्ही व्यवसायात दोन वर्षे पूर्ण करू शकलो असे गणेश इंगळे म्हणतात. या पुढील काळात अधिकाधिक ग्राहकांना उत्तम सेवा देणे हेच आपले ध्येय असून नवनवीन शेती उपयोगी वस्तू उपलब्ध करण्यावर आपला भर असणार आहे. पार्थ मशिनरीच्या पुढील वाटचालीसाठी मराठा बिझनेस फाउंडेशन परिवाराकडून हार्दिक शुभेच्छा.